الزمزمية

{كان ياما كان ولا يحلى الكلام الا بذكر النبى عليه الصلاة والسلام}

 

مدرسة في مدرسة لغات لقيت بنت في اولى ابتدائي صغنونة كدة طالعة الدور بتاع اعدادي وثانوي وعمالة تكلم نفسها فطبعا أثارت فضولها  مشيت وراها لحد ما لقتها دخلت الحمام ووقفت ادام الكولدير وفضلت متنحة فضلت تراقب بتعمل ايه لقيتها بتشب عشان تملى مية من الكولدير فدخلت تساعدها لقتها بصتلها بتعجب كدة !!!!

فبتقولها هاتي املالك الزمزمية فادتها لها هي لسة متعجبة فقالت لها انت كويسة قالت لها ايوة فقالت لها انت متنحة كدة ليه قالت لها اصل انا وانا طالعة عالسلم قلت يارب اطول الكولدير ومغرقش نفسي او حد طويل يملالي الزمزمية اصل ماما قالتلي لما متعرفيش تعملي حاجة قولي لربنا وهو هيعملها لك وانا قلتله وهو عملهالي.

{توتة توتة خلصت الحدوتة.. حلوة ولا ملتوتة}